امیر ہو یا فقیر...

حضرت ابراہیم بن ادہم سے کسی شخص نے کہا : ” میں چاہتا ہوں کہ آپ مجھ سے یہ جبہ ہدیے میں قبول فرمائیں ۔” انھوں نے جواب دیا، “اگر آپ غنی اور مال دار ہیں تو میں آپ کا ہدیہ قبول کر لیتا ہوں ۔ اگر آپ فقیر ہیں تو قبول کرنے سے معذرت کرتا ہوں ۔” اس شخص نے کہا : ” میں امیر ہوں ۔” حضرت نے پوچھا: “آپ کے پاس کتنا مال ہے ؟” اس نے کہا :”دو ہزار” حضرت نے پوچھا:”اگر آپ کے پاس چار ہزار ہو جائیں تو آپ کو خوشی ہوگی ؟” اس نے جواب دیا : ” جی ہاں ! کیوں نہیں !” حضرت نے کہا : معلوم ہوا کہ آپ فقیر ہیں ۔ لہذا میں آپ سے ہدیہ قبول نہیں کرتا ۔”