کراچی میں سابق جج کے نام پر بائیس سو گاڑیاں رجسٹرڈ ہونے کا انکشاف 2224 گاڑیاں اپنے نام سے رجسٹرڈ کا معلوم ہونے پر سابق جج سکندر حیات سپریم کورٹ پہنچ گیا..
کراچی: شہر قائد میں سابق جج سکندر حیات کے نام پر 2 ہزار 224 گاڑیاں رجسٹرڈ ہونے کا انکشاف ہوا ہے۔
ایکسپریس نیوز کے مطابق غریب افراد کے نام جعلی اکاؤنٹس اور جعلی فیکٹریوں کے بعد اب گاڑیوں کی جعلی رجسٹریشن کا معاملہ سامنے آیا ہے۔ کراچی میں 82 سالہ سابق جج سکندر حیات کے نام پر 2 ہزار 224 گاڑیاں رجسٹرڈ نکل آئیں، جس پر سابق جج نے سپریم کورٹ سے رجوع کرلیا ہے ۔
سکندر حیات کے وکیل میاں ظفر نے سپریم کورٹ میں بیان دیا ہے کہ میرے موکل کو کچھ دن قبل ایک گاڑی کا چالان موصول ہوا، چالان کے حوالے سے محکمہ ایکسائز سے رابطہ کیا تو معلوم ہوا کہ ان کے نام پر 2 ہزار 224 گاڑیاں رجسٹرڈ ہیں، جب کہ میرے موکل نے اپنے نام پر ایک ہی گاڑی رجسٹرڈ کرائی ہے۔
سپریم کورٹ کراچی رجسٹری نے سیکریٹری اور ڈائریکٹر ایکسائز اینڈ ٹیکسیشن سے جواب طلب کرلیا ہے اور محکمہ ایکسائز سے رجسٹرڈ گاڑیوں کی رپورٹ ایک ہفتے میں طلب کرلی ہے۔
Comments
Post a Comment